Ausflug Donnerstags-Club zum Nf-Haus Brünig

Am 20. Juni 2024 heisech wieder 10 Naturfründe/inne vor Region ufgmacht ganes Naturfründehus adsluege. Hüt simer ds’Gascht bim Nf-Hus Brünig-Haslibärg gsi. Vom Bahnhof Brünig-Haslibärg simer losmarschiert Richtig Naturfründehus. Nachere churze Wanderig hei mir uf der Terasse chönne es Apéro näh. Nachem Mittagässe het üs Pächterin de ds’ganze Hus zeigt. Es isch interessant gsi, ds’ghöre wie sie das düe Bewirtschafte. Es duetsech schwär vo de traditionelle Natürfründehüser abhebe. I däm Hus gits e Töpferei, es Tonstudio mit verschidene Usstellige. Der Name vom Hus…..Kunst- und Naturfreundehaus seit scho aus.

Nach der Besichtigung hei mir üs ufgmacht no d‘Arena vom Brünig schwinget ga auzluege. Es hetsech niemer gwagt gane Hoselupf ds’mache. Drufabe ischme de mitem Zug oder mitem Outo Richtig Thun/Bärn abgfahre. Zugfahrer si ds’Meiringe de no gane Haslichuche schlemme. Mir mitem Outo si im Restaurannt Wildbach es Gläceli ga schläcke. Es isch e schöne Usflug gsi. Danke am Peter für die tolli Organisation. Mir freue üs scho ufe nächscht Usflug

Jürg